Насанд хүрсэн хүмүүстэй харьцуулахад хүүхдүүдийн бие, оюун санаа нь маш хурдан өсөн өөрчлөгдөж байдаг. Тиймээс яг одоо байгаа насанд нь тохирохоос гадна ойрын хэдэн жилд өсөн торнихийг нь харгалзаж өрөөний загварыг хуучрахгүй, шинэлэг байхаар гаргах нь чухал. Хүүхдийн өрөөнд унтах, тоглох, хичээл хийх өөрийгөө хөгжүүлэх зэрэг олон үйл ажиллагаа явагддаг. Энэ бүхэнийг нэг дор багтаасан сайн төлөвлөлт хийх хэрэгтэй. Мөн хүүхдийн өрөөнд хурц өнгийг ашиглах нь элбэг байдаг. Өрөөг бүхэлд нь хурц тод өнгөтэй хийх нь хүүхдийн сэтгэлийг тогворгүй болгож, амархан ядраадаг. Тиймээс өрөөний бүхэл хэсэг буюу хана, шал, хөшиг, зэрэг их хэмжээний зай талбай эзлэх хэсгийг тухайн тод өнгөний гэрэлтэт буюу цайвар өнгөөр нь шийдэх нь илүү тохиромжтой юм. Хүүхдийн өрөөний загварыг гаргахад хамгийн чухал зүйлийн нэг бол "Хүүхдийн сонирхол". Жишээлбэл: Байгальд дуртай, national geography үзэх дуртай хүүхдэд эрэгтэй хүүхдийн өрөө гээд цэнхэр өнгөтэй хийхээс илүүтэй газрын зураган хээ, чимэглэл, байгалийн өнгө ашиглаж сонирхолыг нь улам хөгжүүлэх өрөөг бүтээх хэрэгтэй.
Та бүхэнд гайхалтай санагдах, хэрэгжүүлж болох хүүхдийн өрөөний загваруудаас хуваалцаж байна.
New Hazard International LLC
Interior designer Ariunjargal
tuul
